Зейнеткер жұмыскерді зейнеткерлік жасқа толуына байланысты жұмыстан босату туралы қандай мерзімде хабарлау қажет?

См. текст ответа на русском языке

ҚР Еңбек кодексінің 52-бабы 1-тармағының 24) тармақшасында жұмыс беруші тараптардың өзара келісімі бойынша еңбек шартының мерзімін жыл сайын ұзарту құқығымен Қазақстан Республикасының әлеуметтік кодексінде белгіленген зейнеткерлік жасқа толған жағдайда, жұмыс берушінің өз бастамасы бойынша жұмыскермен еңбек шартын бұзу құқығы көзделген.

ҚР Еңбек кодексінің 53-бабының 9-тармағына сәйкес осы негіз бойынша еңбек шартын бұзуға жұмыскер Қазақстан Республикасының Әлеуметтік кодексінде белгіленген зейнеткерлік жасқа толғанда жұмыскер зейнеткерлік жасқа толғаннан кейін еңбек шартын бұзу күніне дейін кемінде бір ай бұрын оны хабардар ете отырып және еңбек, ұжымдық шарттарда және (немесе) жұмыс берушінің актісінде айқындалатын мөлшерде өтемақы төлене отырып жол беріледі.

Сәйкесінше, жұмыскерге осы негіз бойынша еңбек шартын бұзу туралы хабарламаны ол зейнеткерлік жасқа толған күннен кейін ғана жіберуге болады. Хабарламада жұмыс беруші айқындайтын, бірақ хабарлама жіберілген (тапсырылған) күннен бастап бір айдан ерте емес бұзылған күні көрсетілуі тиіс. Еңбек шартын бұзу туралы Бұйрықта жұмыстан шығарылған күн хабарламада көрсетілген күнге сәйкес келуі керек.

Міндетті сипаттағы өтемақыға назар аударыңыз. Егер ұйымның ұжымдық шартында немесе жұмыстан шығарылатын жұмыскермен жасалған еңбек шартында өтемақы мөлшері көзделмесе, онда оның мөлшері бұйрықтың өзінде көрсетілуі керек. Тәжірибеде әдетте бір лауазымдық жалақы мөлшерінде өтемақы белгіленеді.

Сондай-ақ қараңыз: "Зейнеткер жұмыскерлер: зейнеткерлермен еңбек шартын жасасу және Қазақстанда зейнеткерлерді жұмыстан шығару"